Konferansa "Yekîtiya Ewropa, Tirkiye, Rojhilata Navîn û Kurd" ku her sal pêk tê, wê cara 16'an di navbera 5-6'ê Sibata 2020'an de li Parlamenta Ewropayê were lidarxistin.

Li gorî bernameya ku ji aliyê Seroka Komîsyona Welatiyan a Yekîtiya Ewropa-Tirkiye (EUTCC) Prof. Dr. Karîane Westrheîm ve hate parvekirin, Koma Çep û Çepa Bakur Kesk (GUE/NGL), Koma Keskan / Tifaqa Azad a Ewropayê (Greens/EFA) û duyemîn koma herî mezin Koma Sosyalîst û Demokratan (S&D) ên li Parlamenta Ewropayê piştgiriya konferansê dikin.

BI PÊŞENGIYA XELATGIRÊN NOBELÊ Û CHOMSKY TÊ KIRIN

Konferansa îsal bi pêşengiya gelek kesayetên navdar ve tê kirin. Ji xelatgirên Xelata Aştiyê ya Nobelê oldarê ji Efrîkaya Başûr Desmond Tûgû, parêzvana mafên mirovan a Îranê Şîrîn Ebadî, Sefîra Bilind a Aştiyê ya Konseya Ewropayê û Seroka Weqfa Mafên Mirovan a Bîanca Jagger Bîanca Jagger, zimanzan û fîlozofê navdar Noam Choamsky û xwediya Xelata Sakharov parlamentera berê ya HDP'ê Leyla Zana çend ji pêşengên konferansê ne.

Konferans wê 5'ê Sibatê roja Çarşemê saet di navbera 14:30 û 15:30 de bi axaftina vekirinê dest pê bike. Tevî Seroka EUTCC Prof. Dr. Karîane Westrheîm wê gelek parlamenterên Parlamenta Ewropayê baixivin. Parlamentên di destpêkê de biaxivin wiha ne:

Nikolaj Villumson, ji Danîmarkayê endamê European United Left/Nordic Green Left (GUE/NGL),

Andreas Schieder, ji Awûstûryayê endamê Koma Sosyalist û Demokratan  (S&D),

François Alfonsi, ji Fransayê endama Koma Keskan/Tifaqa Azad a Ewropayê (Greens/EFA),

Dimitrios Papadimoulis, Alîkarê Serokê Parlamenta Ewropayê ji Yewnanistanê.

Pêşkêşiyên ku wê ji aliyê parlamenteran bên kirin jî wiha ne:

-Nûnerê CHP'ê hatiye vexwendin: Li Tirkiyeyê navenda hêzê/desthilatdariyê û mûxalefet,

 -Parlamenterê Partiya Saadetê Cîhangîr Îslam: Di navbera yekîtî û parçebûnê de mûxalefet,

-Parlamentera HDP'ê Gulistan Koçyîgît: Tirkiye 2023: Dîktatorî li dijî demokrasiyê.

MIJARA PANELA DUYEMÎN KRÎZA PENABERAN Û KURD E

Panela duyemîn a 5'ê Sibatê wê saet di navbera 17:00-18:30 de bi moderatoriya Prof. Cengîz Aktar pêk were û mijar jî wê têkiliyên Tirkiye û Yekîtiya Ewropayê, krîza penaberan û Kurd be.

Beşdarên panelê:

- Tineke Strik, Kesk / Tifaqa Azad a Ewropayê (Greens/EFA), Hollandayî

-Udo Bullmann, ji Elmanyayê Parlamenterê Koma Sosyalîst û Dmeokratan (S&D): Danûstandinên tevlîbûnê, çîroka bêdawî?

-Parêzer Jan Fermon: Pirsgirêka Kurd û Ewropa: Krîmînalkirin li dijî avakirina aştiyê

-Ji parêzerên Buroya Hiqûqê ya Sedsalê Newroz Ûysal: Nuqteya diyarker Îmrali: hêza ji bo aştiyê.

PANELÊN 6'Ê SIBATÊ

Saet di navbera 09:30 û 11:00 de wê bi moderatoriya parlamentera ji koma S&D Evîn Încîr panela "Di pêvajoya dagirkeriya Tirkiyeyê de ya li Bakur û Rojhilatê Sûriyeyê, Rojhilata Navîn" pêk were.

Beşdar:

-Leila Chaibi, ji Fransayê parlamentera Koma GUE/NGL: Dagirkeriya Tirkiyeyê ya li Bakur û Rojhilatê Sûriyeyê

- Dr. Gamal Soltan, Ji Navenda Lêkolînên Stratejîk û Siyasî ya El Ahram a Misrê: Li ser rêya Împaratoriya Osmanî: Hewldana Tirkiyeyê ya ji bo bûyîna xwedî hêz

- Soren Sondergard, parlamenterê berê yê Danîmarkî: Kurd, navenda diyarker û girêka Gordîon

-Kirmanc Gundi, Hîndekarê Zanîngeha Tennesesse ya DYE: Qirkirina destûra bingehîn a li dijî Kurdan û gelên din ên li Tirkiyeyê,

-Ferda Çetin, rojnamevan ji Brukselê: Pêvajoya piştî DAÎŞ'ê

Saet navbera 11:00 û 12:00 panela "Dagirkeriya Tirkiyeyê ya li Rojava, jin û bandora li wekheviya zayendî" bi moderatoriya parlamentera Spanî Marîa Eûgenîa Rodrîgûez Palop.

Beşdar: Seham Kerio, Parwin Yousef û Jihan Khudro.

Saet di navbera 12:00 û 13:00 panela bi mijara "Ewropa û Rojhilata Navîn: Berjewendî li dijî demokrasiyê".

Beşdar:

-Brando Benifei, ji Îtalyayê parlamenterê ji Koma Sosyalîst û Demokratan: Tevlîheviya Rojhilata Navîn û perspektîfên Ewropayê

-Thomas Schmidinger, Zanyarê Siyasetê ji Zanîngeha Viyanayê: Ewropa û têkoşîna Kurdan

- Dersim Dagdevîren, endama KURD-AKAD û EUTCC: Ji perspektîfa Kurd pêvajoya veguherîna demokrasî, ekolojî û wekheviya zayendî.

Saet di navbera 15:00 û 16:15'an de panela bi sernavê "Alternatîf hene".

Beşdar:

- Nazan Ustundag, Ji Elmanyayê sosyolog: Di dema şer de demokrasî, li Rojhilata Navîn civak çawa dikare xwe organîze bike û perspektîfan biafirîne?

-Aviva Stein, Endama New World Summit ji Hollanda: Bilindbûna têkoşîna jinên Kurd û têkoşîna li dijî kuştina jinan

-Amed Dîcle, rojnamevan: Jinûve kûrbûna li ser demokrasiyê -Perspektîfên Kurdan ji bo sala 2023'an

-Juan Carlos Guerra Moldonado, dîroknasê ji Ekvatorê: Çareseriyên lokal ji pirsgirêkên global re, jiyana bi iştevaniya navneteweyî

Saet di navbera 16:15 û 17:00 de wê endamên rêveberiya EUTCC encamnameyê nîqaş bikin û ragihînin.

Ji bo beşdar û guhdarên konferansê wê bi zimanên Kurdî, Tirkî, Fransî, Îngilizî, Elmanî, Spanî, Portekîzî û Yewnanî werger bê kirin.

Li gorî agahiyên di bernameya EUTCC de cih girtin, ji bo agahiyên zêdetir der barê konferansê ji navnîşana [email protected] dikare mail bê nivîsandin.