Serokkomarê Îsraîlê li ser medyaya dîjîtal bûyer weke ‘’êrîşa terorîst’’ pênase kir û anî ziman ku ew li hemberî vê bûyerê gelekî heyirîne.

Rayedarên Elman jî dibêjin ku divê sedemên êrîşê werin eşkerekirin.

Wezîrê Karên Hundirîn ê Eyaleta Bavyerayê Joachim Hermann daxuyaniyek da çapemeniyê û got: ‘’Kesê hatî kuştin, bi çekeke lûledirêj digeriya û berîya ku polîs guleya berdinê, wî çend gule berdan.’’

Hermann ragihand ku çalakiya êrîşkar ya li nêzî konsulxaneya Îsraîlê û navenda dokumantasyoneke têkildarî Nazîzmê, dibe ku bi salvegara bûyera rehîngirtinê ya 5’ê Îlona 1972’yan ve têkildar be.

Di encama êrîşa sala 1972’yan ya komandoyê Filîstinî de 11 werşîzvanên Îsraîlî, polîsek û 5 kesên di êrîşê de cih digirtin, jiyana xwe ji dest dabûn.

Li gorî polîsan modela çeka kesê hatî kuştin, kevn bû. Wezîrê Karên Hundirîn ê Elmanyayê Nancy Faeser got ku çalakiyeke gelekî cidî ye û divê saziyên Cihûyan û Îsraîlê werin parastin.

Piştî bûyerê merasîma biranîna werzîşvanên Îsraîlî yên mexdûrên êrîşa sala 1972’yan jî hate betalkirin.