Li bajarê Mannheim ê Elmanyayê Meclîsa Jinê ya Ronahî-Bêrîvan ji bo piştevaniya koçberên Bakur û Rojhilatê Sûriyeyê kampanyaya piştevanî û alîkariyê da destpêkirin.

Ji bo vê armancê di saetên êvarê de li Mannheim Planken standa piştevaniyê hate danîn.

Di standê de ku eleqeyeke mezin dît, xwarin û vexwarin hatin pêşkêşkirin û kesên hatin standê derbarê rewşa dawî ya herêmê de hatin agahdarkirin.

Kesên hatin ber standê bi bexşên xwe eleqe nîşanî standê dan.

Ji bo kampanyaya ku wê 3 rojan dewam bike, wê di 17-19’ê Kanûnê de li navnîşan Q7 Wasserturm  di navbera saet 16:00-18:00’an stand were danîn.