Li bajarên Marsilya, Mantes la Jolie û Marignane yên Fransayê, bi wesîleya 76’emîn rojbûna Rêber Apo pîrozbahî hatin lidarxistin.

MARSİLYA

Meclîsa Jinê ya Arîn Mîrkan ku li Marsîlyayê xebatê dike, bi wesîleya 76’emîn rojbûna Rêber Apo pîrozbahiyek lidarxist.

Gelek kes tevlî pîrozbahiyê bûn û peyamên derbarê azadiya Rêber Apo û yekîtiya Kurd de hatin dayîn.

Di pîrozbahiyê de ji bo zarokan pêşbirkên cuda hatin lidarxistin û diyarî hatin dayîn. Di pîrozbahiyê de li ser stranan govend hate gerandin. Beşdaran bi berzkirina dirûşmeya “Bijî Serok Apo” dilsoziya xwe ya bi Rêber Apo re dubare kirin.

Di axaftinên li ser navê Meclîsa Jinê ya Arîn Mîrkan de hate destnîşankirin ku fikrên Rêber Apo bingeha azadî û aşitiyê ye.

MANTES LA JOLIE

Li bajarê Mantes la Jolie ya Normandiya bi tevlîbûna sedan kesan zayîna 4’ê Nîsanê hat silavkirin.

Di pîrozbahiyê de fîşekên hewayî hatin avêtin û li ber stranan govend hate gerandin.

Pîrozbahiya bi coş heta saetên dereng dewam kir.

MARIGNANE

Li bajarê Marignaneyê 76’emîn rojbûna Rêber Apo li Navenda Civaka Kurd a Demokratîk hat pîrozkirin. Di pîrozbahiyê de hunermend Rênas Demhat derket ser dikê û li ber stranan govend hate gerandin. Hevserokê Navenda Civaka Kurd a Demokratîk a Marignane Yakup Arhat axivî û wiha got: “Em ê xwedî li Banga Aşitî û Civaka Demokratîk derbikevin, em ê civaka demokratîk bi hev re ava bikin.”

Pîrozbahî bi gerandina govendê û dirûşmeyan dewam kir.