BÎELEFELD

Bi wesîleya salvegera 8’emîn a şoreşa Rojava li Bîelefeldê bi şîara ‘Bi hev re serhildan’ pîrozbahiyek hate lidarxistin.

Ciwan li pêşiya HBF’ê hatin ba hev û meşek li dar xistin. Ligel ku polîsan meş provake kirin jî ciwanan pîrozbahî domandin. Meş bi axaftin û govenda li qada Kesselbrînkê bi dawî bû.

MUNSTER

Li bajarê Munsterê yê Elmanyayê Kurdistaniyan bi wesîleya salvegera şoreşa Rojava meşek li dar xistin. Di meşê de belavok hate belavkirin û li ber konsolosxaneya Tirkiyeyê daxuyanî hate dayin.

MARSÎLYA

Li bajarê Marsîlya yê Fransayê jî salvegera 8’emîn a şoreşa Rojava hate pîrozkirin. Kurdistanî û dostên wan bi alayê YPG û YPJ’ê û bi pankartên Arîn Mîrkan û Avesta Xabûr meşiyan.

Di meşê de li ser tecrîda li ser Rêberê Gelê Kurd Abdullah Ocalan û êrîşan belavok hate belavkirin.

TOÛLOÛSE

Li bajarê Toûloûse yê Fransayê jî bi mîtîngekê salvegera şoreşa Rojava hate pîrozkirin. Mîtînga li qada Capîtole hate lidarxistin, bi axaftinan bi dawî bû.