Ji bo salvegera Komploya Navneteweyî ya li ser Rêberê Gelê Kurd Abdullah Ocalan li gelek navenda meş tên lidarxistin. Kurdistanî û dostên wan ên li Parîsê hatin ba hev, bi meşekê komplo protesto kirin. Meşa ku wê 2 rojan dom bike roja yekeme saetên sibê ji Gar De Lest destpê kir û ber bi Bastîlleyê dewam kir.

BERXWEDÊRÊN GREVÊ HATIN SILAVKIRIN

Meşa bi pêşengtiya Tevgera Jinên Kurd û Konseya Demokratîk a Kurd a Fransa hate kirin, daxwaza azadiya Ocalan hate qîrkirin, berxwedêrên grevan hatin silavkirin.  Di meşê de wêneyên Leyla Guven, Nasir Yagiz û Îmam Şîş hatin hildan û dowîz hatin bilindkirin.

Di meşê de ji bo balê bikişînin ser rewşa Leyla Guven û tecrîda Ocalan belavokên bi zimanê Fransî hatin belavkirin.

Ji bo meşa ku wê sibe jî bidome bang li Kurdên li Faransayê dijîn kir ku tevlî meşê bibin.