Nûnerê HDP’ê yê Ewropa Eyup Dorû, siyasetmedar Tûba Hezer, Hevşaredara Cizîrê Leyla Îmret, Hevşaredarê Îpekyolû (Rêya Armûşê) Veysel Keser, Hevşaredarê Depê Bûrhan Kocaman beşdarî civînê bûn.

Eyup Dorû got; “Erdogan tenê siyasiyek e. Ew hişmendi jî hişmendiya komkujî û zextan e.” û bal kişand li ser girîngiya hilbijartinên xwecihî ji bo Kurdistanê.

Tûba Hezer jî got li bajarên Kurdistanê siyasetekî qirêj a dewleta Tirk heye û wiha domand; “Em ê jî ji bo vale derxistina vê siyaseta qirêj li her derê cîhanê têbikoşîn. Dewleta qeyûmên ku tayîn kirî bivê hilbijartinê re dixwaze rewa bike. Bi vê re jî dixwaze tecrîda giran a li ser Rêzdar Ocalan, komkujî û hilweşinên li Cizîr, Nisêbin û Kurdistanê rewa bike. Bi vê hilbijartinê em ê pêşî li tiştê vê bigrin.”

Leyla Îmret jî got li Kurdistanê pêvajoyek girîng heye û ev hilbijartin bersiva demê ya ji bo komkujî û xespkirina îradeya gel e.

Piştre peyama rêxisitina HDP’ê ya navçeya Depê hate xwendin û civîn bi dawî bû.