Anders Knape, Asambleyê Xwecih û Herêmî ya YE'yê û Serokê Şaredarî û Meclîsên Giştî yên Bajêr ên Swêdê, li dijî dagirkeriya qeyûm got, li Tirkiyê rêgezên sereke yên demokrasiyê nayên bicihanîn.
Knape di gotara xwe de, ya ku di kovara Dagens Arene de, ku kovar li Swêdê weşandê dike got geşedanên li Tirkiyê, bicihneanîna rêgezên sereke yên demokrasiyê û betalkirina rêgezên sereke yên hiqûqê wan ditirsîne.
Nûçegihan-nvîskar Kurdo Baksî û Murat Kuseyrî di heman kovarê de bêdengiya siyasetmedaran a li ser dagirkeriya qeyûm a li ser şaredariyên Amed, Wan û Mêrdînê rexne kiribûn.
Di gotara xwe de ji Knape re gotibûn, ''Ji bo çi hûn pişta xwe didin rêveberên şaredariyê yên li Tirkiyê ku gel hilbijartibûn û ji peywirê hatine standin? We ji bîr ki ku peyva hevgirtinê bibêjin?''
'PIRSGIRÊKA TIRKIYÊ NEHATIYE JIBÎRKIRIN'
Knape bi gotara bi navê ''Pirsgirêka Tirkiyê nehate jibîkirin'' bersiv da û got, bi qeyûman ji peywirê standin ji hêla Konseya Ewropayê ve û siyasetmedarên xwecih û herêmî yên Swêdê ve nehatiye jibîrkirin.
'GEL EV SIYASETMEDAR HILBIJARTIN'
Knape got, ''Li başûrêrojhilat ên Tirkiyê li şaredarên Amed, Wan û Mêrdînê ji peywirê hatin standin. Li şûna wan walî, bi gotineke dî memûr hatin. Beriya bi 2 hefiyan bi sifetê serokê kongreyê li Tirkiyê min got, ji peywirê girtina siyasetmedarên ku ji hela gel ve hatine hilbijartin, şaş e. Ev siyasetmedar 31'ê Adarê bi hilbijartineke azad û dirûst ji hêla gel ve hatine hilbijartin.''
'COTMEHÊ EM Ê BIÇIN TIRKIYÊ'
Knape got Cotmehê wê serdana Tirkiyê bikin û derbarê berpirsyariya rêveberiya xwecih Tirkiyê ronî bikin. Knape got,, ''Pirsgirêk ji hêla wan siyasetmedarên xwecih û herêmî ve yên welatên endamên Konseya Ewropayê ve, ku Swêd jî di nav de ye, nehatiye jibîrkirin.''
