Di 10’ê Kanûnê Roja Cîhanî ya Mafê Mirovan de, daxwazên ji bo azadiya Rêberê Gelê Kurd Abdullah Ocalan zêde dibe. Piştî Swêd, Norveç, Îtalya û Fînlandiyayê li Danîmarkayê jî tevlî daxwaza ji Rêberê Gelê Kurd Abdulah Ocalan re azadî bûn.

Li Danîmarkayê komekê hevpar ku du Wezîrên Karên Derve yên berê jî di nav de gelek Parlementer, endamên meclîsên şaredariyan, akademîsyen û nivîskaran, deklarasyonek îmze kirin û bal kişandin ku azadiya Rêberê Gelê Kurd Abdulah Ocalan ji bo demokrasîbûna Tirkiyê û li Kurdistanê wê çareseriyek bingehîn bîne.

Deklarasyona hevpar a ku 25 kesayetan îmze kirî, Meclîsa Gel a Demokratîk a Kurd a Danîmarkayê radestî nûnertiya Neteweyên Yekbûyî ya li Kopenhagê kir. Mîchael Toft a li ser navê Şaxa Danîmarkayê ya Neteweyên Yekbûyî deklarasyon teslîm girtî, got ku wê dosyayê radestî kesayetên pêwîst bike.

Dostên Kurdan ên Danîmarkî yên ku kampanyayê bi rê ve dibin, di nava xebatan de bi gelek nûnerên sazî û partiyan re ketin peywendiyê ku daxwazê ji saziyên Danîmarkî û welatên Yekitiya Ewrûpa bikin ku zextê li Tirkiyê bikin, ji bo li Kurdistanê çareseriyek aşitiyane û demoratîk a bi azadiya Rêberê Gelê Kurd Abdulah Ocalan û girtiyên siyasî yên Kurd re pêk bê.

KESÊN ÎMZE DANE KAMPANYAYÊ

Nils Vest, Karina Lorentzen, Mette Knudsen, Per Nørgaard Kristensen, Klaus Schulte, Tue Magnussen,Steen Folke, Jørgen Holst, Theresa Olesen, Anne HaarløvLeif Borg Hansen Marianne Olsen, Villy Søvndal, Uffe Elbæk, Jonas Eika Rasmussen, Annika Smith, Jørgen Primdahl,Eva Flyvholm, Christian Juhl, Rosa Lund, Villo Sigurdsson, Pernille Frahm, Ulla Sandbæk, Sune Dalsgaard Christiansen.