Di çalakiya ku li Saarbruckenê hatî lidarxistin de, peyama “Rêberê Gelê Kurd Abdullah Ocalan xeta me ya sor e, heta em agahî ji Rêber Apo werdigirin em ê qadan neterikînin” hate dayîn.
Li bajarê Saarbrucken ê Elmanyayê ji bo azadiya Rêberê Gelê Kurd Abdullah Ocalan bi tevlîbûna gelek Kurdistaniyan, meş hate lidarxistin.
Meş bi organîzasyona Meclîsa Jinan û Meclîsa Gelê Kurd a Saarbrucken li Eûropa Tbîlîsser Platzê destpê kir û heta St. Johanner Markt’ê dewam kir. Di meşê de peyama “Rêberê Gelê Kurd Abdullah Ocalan xeta me ya sor e, heta em agahî ji Rêber Apo werdigirin em ê qadan neterikînin” hate dayîn.
Di çalakiyê de bêdengiya CPT û hikûmeta Elman jî hate şermezarkirin û dirûşmeyên “Bijî Serok Apo”, “Freiheit für Ocalan” û “Terorîst Erdogan” hatin berzkirin.
