Ji bo gerîlayên Yekîneyên Rojhilatê Kurdistanê (YRK) Cengawer Mîkayîl (Hidayet Resûlî), Andok Tolhildan (Omer Firat) û Raman Rênas (Îrfan Zendî) yên di êrîşa dewleta Tirk a dagirker de li herêma Pêncewînê şehîd bibûn, li banliyoya Evry ya paytexta Fransa Parîsê merasîma bîranînê hat lidarxistin. Bîranîn li Navenda Çanda Kurda a Evryê hat lidarxistin. Bîranîn bi rêzgirtina ji bo giyanê şehîdan dest pê kir.

Endamê Dîwana Konseya Kurd a Demokratîk a Fransa (CDK-F) Farûk Soylemez axivî. Soylemez anî ziman ku li dijî êrîşên qirkirinê divê civak jî berpirsyariya xwe bi cih bîne û layiqî şehîdên xwe be. Soylemez diyar kir ku faşîzma dewleta Tirk tehemilî muzîk, ziman û hebûna Kurdan nake û li dijî Kurdan polîtîkayên qirkirinê dimeşîne. Soylemez dest nîşan kir ku li dijî êrîşên qirkirinê Gerîlayên Azadiya Kurdistanê bi berxwedanek bi heybet li ber xwe dide û got: “Eger berxwedana gerîla û gel bibe yek, serketina mezin nêz e.”

Welat Demhat jî li ser navê malbatên şehîdan axivî û jiyana şehîd Andok Tolhildan vegot. Demhat bal kişand bi ser xiyaneta PDK’ê jî û wiha got: “Destê PDK’ê di xwîna gerîlayan de heye. Piştgiriya PDK’ê ya ji bo dagirkeriyê kir ku hevrêyên me şehîd bibin. Armanca hevkariya PDK’ê ew e ku Kurdistanê bi temamî tine bike û hemû destkeftiyên xwe pêşkêşî pergala qirker a dewleta Tirk bike. PDK xençereke ku di hesreta gelê Kurd çikilî ye.”

Piştî axaftinan sînevîzyona li ser şehîdan hat pêşandan. Bîranîn bi dirûşmeyên “Şehîd namirin” û “Bijî Serok Apo” bi dawî bû.