Li bajarê Liege ya Belçîkayê bi boneya 28’emîn salvegera şehadeta fermandara fedayî Zîlan (Zeynep Kinaci) merasîma bîranînê hat lidarxistin. Bîranîn bi tevlîbûna sedan Kurdistaniyan li Navenda Civaka Demokratîk a Kurd hate lidarxistin. Li cihê bîranînê wêneyê şehîd Zîlan û şehîdên Têkoşîna Azadiya Gelê Kurd hatin danîn.

Bîranîn bi rêzgirtina ji bo giyanê şehîdan dest pê kir. Di bîranînê de şehîd Sema Yucel, Leyla Agirî, Axîn Gabar, şehîd Gulan, Şervan Botan û Şêxmûs Melazgirt jî hatin bibîranîn.

Di bîranînê de Hevserokê Meclîsa Liege, li ser jiyan û têkoşîna fermandara fedayî Zîlan axivî û nameya şehîd Zîlan a ji bo Rêberê Gelê Kurd Abdullah Ocalan re nivîsiye xwend.

Di bîranînê de hunermend Hemîd Ûrmiye, helbesta li ser şehîd Zîlan xwend. Piştre sînevîzyona li ser jiyana şehîd Zîlan hat nîşandan.

Bîranîn bi dirûşmeyên “Şehîd namirin”, “Bijî Serok Apo” û “Jin, Jiyan, Azadî” bi dawî b û.