Greva birçîbûnê ya bêdawî-bêdorveger a li dijî tecrîdkirina Rêberê Gelê Kurd Abdullah Ocalan a li navnîşana 273, Avenue de Colmar a Strasboûrgê di roja 72’an de tevî rewşa tendurisityê ya çalakgeran giran e jî bi biryardarî didome.

Serdanên piştgirîdayînê yên Kurdistaniyên li bajarên Ewropa dijîn didome, her roj bi dehan Kurdistanî serdana çalakgerên greva birçîbûnê dikin.

Îro danê nîvro endamên meclîsên gel ên Werder û Oldenbûrgê hatin serdana çalakgeran. Endamên meclîsên gel diyar kirin ku çalakiyên grevên birçîbûnê ji bo gelê Kurd di pêvajoyek kiritîk de tê kirin û banga piştgirîdayinê kirin.

Endamên meclîsan ragihandin ku tecrîda li ser Ocalan nayê qebûl kirn û ew ê ji bo piştgirîdayinê çaakiyan lidarbixin.

Dîsan li aliyê ji bajarên Elmanya Dûîsbûrg û Lubeckê gelek kes ji bo piştgirîdayîna çalakgerên greva birçîbûnê hatin Strasboûrgê. Kurdistaniyên ji bajarên Swîsre Zurîh û St Gallenê serdana çalakgeran kirin û moral dan berxwedêrên grevê.

Navê berxwedêrên ji 17'ê Kanûnê ve li Strasboûrgê di greva birçîbûnê ya bêdawî-bêdorveger de ne wiha ne; Parlamentera serdemên 25 û 26'an Dîlek Ocalan, siyasetmedar Mûstafa Sarikaya û Mehmet Nîmet Sevîm, nûçegihan Gulîstan Çiya Îke, akademîsyenê ji Rojhilatê Kurdistanê Kardo Bokanî, Hevserokê KCDK-E'yê Yuksel Koç, siyasetmedarê ji Başûrê Kurdistanê Mohamme Ghaderî, çalakger Denîz Surgut, Ekrem Yilmaz, Nûrgul Başaran, Ramazan Îmîr, Ayvaz Ece, Agît Ûral û Kerem Solhan.