Şervanê YPG’ê Efrîn li Sydneyê hate bibîranîn
Şervanê YPG’ê Zerdeşt Efrîn ku di sala 2018’an li Rojava şehîd bûbû, li bajarê Sydneyê hate bibîranîn.
Şervanê YPG’ê Zerdeşt Efrîn ku di sala 2018’an li Rojava şehîd bûbû, li bajarê Sydneyê hate bibîranîn.
Li bajarê Sydney ê Evûstralya şervanê YPG’ê Zerdeşt Efrîn ku 28’ê Çileya 2018’an di têkoşîna li dijî êrîşên dagirkeriyê yên li ser Efrînê de li Rojava şehîd bûbû, hate bibîranîn.
DAYIK SOKO: ŞEHÎDÊ ME HEMÛYAN E
Bibîranîn li Navenda Civaka Demokratîk a Kurd (NCDK) hate lidarxistin û Dayik Suryeya Soko bi Skypeyê beşdar bû. Dayik Soko wiha got; “Zerdeşt Efrîn ne tenê şehîdê me ye, şehîdê gelê Kurd hemûyan e û li xaka pîroz şehîd bû.”
Birayê şehîd, Bedrî Soko jî wiha got; “Zerdeşt li dijî dijminê hov ji bo mafê gelê xwe tişta ji destî hat kir.”
Hevserokên NCDK’ê Gulfer Olan û Bayram Bozbeyoglû jî axivîn.