Li bajarê Sydney yê Awûstralyayê bi boneya 42’yemîn salvegera berxwedana “Rojiya Mirinê ya Mezin” ku bi pêşengtiya kadroyên pêşeng ên Partiya Karkerên Kurdistan (PKK) Kemal Pîr, M. Hayrî Durmuş, Akîf Yilmaz û Alî Çîçek di 14’ê Tîrmeha 1982’yan de li Girtîgeha Hejmar 5 a Amedê li dijî êşkence û sepanên dermirovî hatibû destpêkirin, bîranîna girseyî hat lidarxistin. Bîranîn li Navenda Civaka Kurd a Demokratîk (DKTM) hat lidarxistin.

Di bîranînê de Hevseroka DKTM’ê Gulay Alkan axivî. Gulay Akan anî ziman ku haveynê berxwedana PKK’ê li Girtîgeha Amedê dest pê kir û got: "Deynê me yê rûmeteyê ku em li dijî xiyanet û mêtîngeriyê bi ruhê berxwedana 14’ê Tîrmehê têkoşînê geş bikin."

Di bîranînê de axaftin hatin kirin û helbest hatin xwendin. Piştre ji bo bîranîna Şehîdên Berxwedana 14’ê Tîrmehê slayt hat pêşandan.

Bîranîn bi dirûşmeyên “Şehîd namirin” û “Bijî Serok Apo” bi dawî bû.