Li bajarê Kiel ê Elmanyayê ji bo gerîlayê HPG’ê Amed Botan (Mihemed Hîkmet) ê ku di refên gerîla de têkoşiya û 20’ê Cotmeha 2021’an di êrîşa dewleta Tirk a dagirker de şehîd bû, çalakiya bîranînê hat lidarxistin.

Çalakî ji bo bîranîna Şehîdên Azadiya Kurdistanê bi deqîqeyek rêzgirtinê destpê kir. Di bîranînê de xizmekî Amed Botan têkoşîn û jiyana şehîd vegot.

Pişte Nûnerê Partiya Yekîtiya Demokratîk (PYD) a Kîelê îşaret bi girîngiya şehîdan ji bo dîroka gelê Kurd kir û wiha got: “Tevgera Azadiya Kurdistanê bi saya şehîdan hat van rojan. Têkoşîna wan rê nîşanî me dikin."

Beşdaran di tevahiya çalakiyê de dirûşmeya “Şehîd Namirin” berzkirin.

Çalakî bi peyama biryardariya ji bo jiyanîkirina mîrateya şehîdan bi dawî bû.