Êrîşên dagirkeriyê yên dewleta Tirk ên li ser Herêmên Parastinê yên Medyayê li bajarê Marsîlya yê Fransayê bi daxuyaniyeke çapemeniyê hate protestokirin. Girseya ku li ser banga Kongreya Civaka Demokratîk a Kurdistaniyên Ewropayê (KCDK-E) li Belle de Maî hatin cem hev, dirûşmên "Bimre xiyanet", "Qatil Erdogan" û "Terorîst Tirkiye" berz kirin.

Di axaftinan de ev tişt hatin gotin: “Dewleta qatil Başûrê Kurdistanê dagir dike. PDK jî di xeta xiyanetê de israr dike. Desthilateke westiyayî nikare têkçûnê qebûl bike û êrîşî Kurdan dike. Divê baş bizane ku dê navê wî jî di sergoyên dîrokê de bê nivîsandin.”

Di axaftina ku banga tevlîbûna li meş û mîtînga girseyî ya roja Şemiyê ya li dijî dagirkerî û xiyanetê li bajêr hat kirin. Bi domdarî wiha hate gotin: “Ev banga me li hemû gelê me yê welatparêz e; Werin em bi hev re ji gerîla re bibin mertal, vê desthilatdariya faşîst hilweşînin, Kurdistanê û Rêber Apo azad bikin.”