Peymana Lozanê ya ku Kurdistan kiribû 4 parçe, dikeve sala xwe ya 100’emîn. Li hemberî  Peymana Lozanê Yekîtiya Kurdistanî ku ji 52 partî û saziyan pêk tê, li Meydana Place de Rîpponne ku avahiya peyman lê hat îmzekirin, bi daxuyaniyeke çapemeniyê plansaziya xwe ya çalakiyê eşkere kirin.

Di salvegera 20’ê Mijdarê ku roja hevdîtinên Peymana Lozanêye, li ber avahiya ku lê hevdîtin hatin kirin, bi tevlîbûna saziyên Kurdistanî û parlementerên Federal ên Swîsreyê daxuyaniya çapemeniyê bê dayîn.

Hevserokê Konseya Kurd a Demokratîk a Swîsreyê (CDK-S) Îsmaîl Kardaş diyar kir ku ew ê bi rengek girseyî tevlî çalakiya li dijî Peymana Lozanê bibin û got:  “Em bi rojan in xebatên daxuyaniyê dikin. Ji ber vê peymanê 100 sal in tu zilm nemane ku li me nehatibe kirin. Em êdî vê peymanê qebûl nakin.”

NAVÊN AXAFTVANAN

Navên ku tê payîn tevlî çalakiyê bibin û biaxivin wiha ne:

Hevserokê KNK'ê Ahmet Karamûs,

Parlamentera Partiya Sosyalîst a Federal Laurence Fehlmann Rielle,

Endamê Konseya Rêveber a KCK'e  Zubeyir Aydar,

Yek ji nûnerên YNK a Ewropayê  Soran Ahmad Alî,

 Parlamentera Tevgera Goran a Ewropa, Stéfanie Prezioso Batou,

Parlamenterê Partiya Keskan Raphaël Mahaim,

Endamê Komîteya Navendî ya Partiya Demokrat a Kurdî ya Sûriyeye,

Parlamentera POP ya Kantona Lozanê POP,

Endama Komîteya 100. Salvegera Peymana Lozanê, Céline Misiego,

Nûnerê TJK-E,

Nûnerê PYD’ê Abes Omare,

Endamê meclîsa şaredariya Keskan li Lozanê û Endamê Komîteya 100. Salvegera Peymana Lozanê, Ilias Panchard

Yekîtiya Suryaniyên Ewropayê (ESÛ)

Platforma Baweriyên Mezopotamyayê, Demîr Çelîk

Nûnerê Partiya İslamiya Kurdistan a Ewropa

Serokê PSR/IPPNW a Swîsre û berdevkê Însiyatîfa Azadî ji Abdullah Ocalan re ya Swîsreyê , Dr. Med. Peppe Savary- Boriolo

Ji KKKP, Kemal Bîlget

Ji Tevgera Nûjen Dr. Rizgar

Daxuyanî wê li ser platformên medyaya dijîtal bi awayekî zindî bê weşandin. Eşkerekirina bernameyên salvegera 100’emîn a Lozanê bi awayek zindî li ser kanala YouTube (https://www.youtube.com/@civaksaz8366 û malpera Twitter ya Civaka Azad (@CivakaAzad_S) bên şopandin.

https://www.youtube.com/@civaksaz8366