Cenazeyê helbestvanê navdar ê Kurd Şêrko Bêkes, bi merasîmeke bi beşdariya nûnerên ji çar parçeyên Kurdistanê, li Parka Azadî ya Silêmaniyê hat veşartin.

Cenazeyê helbestvanê navdar ê Kurd Şêrko Bêkes, ku berî demeke kurt li Swêdê jiyana xwe ji dest dabû, li Silêmaniyê ji aliyê bi hezaran kesî ve hate pêşwazîkirin. 

Rewşenbîr, jin, ciwan, nûnerên partî û rêxistinên sivîl, nûnerên hukûmeta herêma Kurdistanê, dost û hevalan pêşwaziya Bêkes kirin. 

Piştre jî li ser daxwaza wî, cenaze ji aliyê bi hezaran kesan ve li Parka Azadî ya Silêmaniyê li rex Abideya Şehîdên Azadiyê hate definkirin.