Tevgera Ekolojiyê ya Mezopotamyayê (MEH) bi daxuyaniyeke niviskî diyar kir talana li ser sirûştê hatiye asteke pir zêde, polîtîkaya hişmendiya patrîyarkal a yekreng a li ser jinan, ajalan pir zêde bûye û ji ber vê aşkere ye ku tevgerên jin, ekolojî û hemû pergalên dij pergalê wê bi piştevaniyê hewl bidin ku heq ji vê pêvajoyê derkevin.

MEH'ê bal kişande ser êrîşên li ser Baxçeyên Hewselê, Çiyayê Qazê, Salda û êrîşên li ser sirûştê yên di serdema desthilata AKP-MHP'ê de zêde bûye û diyar kir tevgera ekolojiyê hatiye asta ku têkoşîna xwe bikin yek û bi maweya dirêj ew bawer dikin ku ev têkoşîn wê  Modernîteya Demokratîk bike pergalî.

MEH'ê her wiha Kombûna Ekolojiyê ya HDP'ê jî bi bîr xist û got ji bo yekbûna têkoşînê wê bibe gavek û ji ber vê ew vê gavê hêja û bimane dibînin.