Nerazîbûnên li hember êrîşa bombeyî ya li dijî mîtînga Amedê didomin. Di daxuyaniya li ser navê pêkhateyên ABDEM’ê wiha hat gotin: “Em wek pêkhateyên ABDEM’ê heta weke îro ji niha û pê ve jî em li rex têkoşîna HDP û hêzên demokrasiyê ya bi hestyariyeke mezin û berpirsyar tevayî provokasyonan vala derdixin û bendan hildiweşînin.”

Meclîsa Aştî û Demokrasiyê ya Ewropayê (ABDEM) bi daxuyaniyeke nivîskî êrîşa bombeyî ya duh li hember mîtînga HDP’ê şermezar kir. Di daxuyaniyê de hat gotin ku berpirsyarê êrîşê Serokkomarê Tirkiye R. Tayyîp Erdogan e û wiha hat gotin: “Ji kêliya ku xeyalên seroktiyê yên Serokkomar lewaz bûn li hember HDP’ê êrîşên bi plan û bi bername destpê kirine.”

ABDEM ji gelê Amedê û tevayî gelan re sersaxî xwest û ji birîndaran re şifa xwet. Hat diyarkirin ku ev êrîş ne tenê li hember gelê Amedê li hember aştî, demokrasî û tevayî gelan pêk hatiye.

ABDEM got: “Em wek pêkhateyên ABDEM’ê heta weke îro ji niha û pê ve jî em li rex têkoşîna HDP û hêzên demokrasiyê ya bi hestyariyeke mezin û berpirsyar tevayî provokasyonan vala derdixin û bendan hildiweşînin.”

ABDEM bang kir ku li çar aliyên Ewropayê vê komkujiyê şermezar bikin, rûyê qetlîamker ê AKP’ê di nav gelên Ewropayê de teşhîr bikin.