Nûnerên hersê welatan li paytexta Kazakistan Astanayê li hev kom bûn. Hevdîtinên li Astanayê ji destpêka krîza Sûriyeyê û vir ve cara 20'an e tê lidarxistin. Hevdîtinên ku heta niha hatine kirin, hemû bêencam mane.

Dewleta Tirk ku di kûrkirina krîzê de weke aktorê bingehîn e û di pozîsyona dagirkeriyê de ye, hevdîtina destpêkê ya li Astanayê bi heyeta Îranê re kir.

Nûnerê Taybet ê Neteweyên Yekbûyî yê ji bo Sûriyeyê Geîr O. Pedersen jî tevlî hevdîtinan bû. Urdun, Iraq û Lubnanê jî bi statuya çavdêriyê heyet şandin hevdîtinan.

Di civînan de ku wê du rojan dwam bike, wê guherîna rewşa herêmî ya li dora Sûriyeyê û bûyerên li qadê bêne nirxandin. Afirandina şert û mercên vegera penaberên ji Sûriyeyê jî ji xalên rojeva hevdîtinan e.

Di danûstandinan de tê payin ku di navbera alîkarên wezîrên karên derve yên Tirkiye, Rûsya, Îranê û Sûriyeyê de ji bo 'asayîkirina' têkiliyên nvabera Sûriye û Tirkiyeyê, li ser 'nexşerêyê' civîneke çar alî ya şêwirmendiyê bê kirin.

Dewleta Tirk hîn jî li Bakur û Rojhilatê Sûriyeyê li qadeke berfireh a li ser sînor dagirker e. Li van qadên dagirkirî rejîmeke terorê ava kiriye.