Di êrîşên Îsraîlê de 217 endamên Hizbullahê mirin
Di êrîşên Îsraîlê yên li ser Xezeyê de bi deh hezaran kes mirin, hat ragihandin ku di êrîşên li Lubnan û Sûriyeyê de nêzî 220 endamên Hizbullahê mirine.
Hizbullaha Lubnanê ragihand ku 2 çekdarên wê di êrîşên Îsraîlê de hatine kuştin.
Partiya Şîî bêyî ku cih û dîroka mirina xwe diyar bike daxuyand ku her du şervan "li ser rêya Qudsê" mirine.
Lê li gorî rojnameya L'Orient-Le Jour a Lubnanî, di êrîşa Îsraîlê ya li herêma Baalbekê de 2 şervan mirin.
Îsraîl cara ewil vê herêma ku li deşta Bekayê ya li rojhilatê Lubnanê ye û 175 kîlometre dûrî eniya şer e, bombebaran dike.
Li heman herêmê partiya Hasan Nasrallah di 26’ê Sibatê de ragihandibû ku wan balafireke bêmirov a Hermes 450 a Îsraîlê bi fuzeyê xistiye.
Rojnameyê diyar kir ku bi van her du mirinan re hejmara endamên Hizbullahê yên ku ji 8’ê cotmehê ve li Sûriye û Lubnanê ji aliyê Îsraîlê ve hatine kuştin derket 217’an.
