Xaleke ji pakêta guherîna destûrê ku ji hêla partiya Serokê dewleta Rûsyayê Vladîmîr Pûtîn Rûsyaya Yekere ve li parlamentoyê hate dengdan, pêşbîniya wê dike ku serdemên peywirê yên seroktiyê 'sifir bike'. Li gorî vê xalê ji ber ku maweya seroktiyê ku 2 serdem in wê 'sifir bibe' Pûtîn di hilbijartinên 2024'an û 2030'î de jî wê bikaribe bibe namzet.

Guherîna destûrî ku Pûtîn bi gotinên, ''Aramiya Rûsyayê ya herî girîng e'' û ji bo vê jî, ''hewceyî bi seroktiyeke xurt heye'' lê xwedî derdikeve, 22'yê Nîsanê li nav gel wê were dengdan.

HETA 2036'AN WÊ BIKARIBE LI SER PEYWIRÊ BIMÎNE

Vladîmîr Pûtîn ê 67 salî, ku ji 2000'î û vir ve li ser peywirê ye , heta guherîna nû pêk were, wê bikaribe tevlî hilbijartinên seroktiyê yên 2024 û 2030'î bibe. Di hilbijartinên 2000'î û 2004'an de Pûtîn ê ku hatî hilbijartin, 2008'an namzetê serokwezîrtiyê Dîmîtrî Medvedv şûna xwe kiribû namzet û 4 salan wî peywira serokwezîrtiyê kiribû. Lê dihate zanîn li pişt perdê lîderê esasî Pûtîn bû.

Pûtîn ku 2012'an ji nû ve mafê namzetiyê bi dest xistî, beriya niha jî serdema seroktiyê ji 4'an salan hildabû 6 salan. Pûtîn bi vî rengî di hilbijartina 2018'an de mafê ku heta 2024'an bimîne bi dest xistibû. Heke gel pakêta nû bipejirîne û Pûtîn bikaribe bikeve hilbijartina 2024 û 2030'î heta 2036'an wê bikaribe li ser kar bimîne.