Serokdewletê berê yê Brezîlyayê Luiz Inácio Lula da Silva ku ji meha Nîsanê ve girtî ye, namzetiya wî ya ji bo serokdewletiyê ji aliyê Dadgeha Bilind a Hilbijartinê ya Brezîlyayê ve nehate qebûlkirin. Ev yek hilbijartina serokkomariyê ya Brezîlyayê dixe nava rewşeke metirsîdar.

Partiya Karker daxuyaniyek da û got, "Em ê li kolanan tevî gel têbikoşin. Ji ber ku ew hêviya gel e." Partiya Karker diyar kir ku wan ji îro û pê ve bi spotan û karên mîna wê dest bi kampanya hilbijartinê kirine.

Dadgehê 10 roj wext da Partiya Karker ku ji bo namzetê xwe yê nû nîşan bide.