Şewata daristanê ya li Portekîzê bû sedem ku gelek kes bimirin. Li gorî agahiyan bi hindikayî 16 kes di wesayitan de asê mane û ji dûxanê fetisîne. Rayedar diyar dikin ku bi kêmanî 43 kes mirine. Di bobelatê de 20 kes birîndar bûne, du kes jî winda bûne. Rewşa 4 peywirdarên agirkujiyê krîtîk e. Tirs heye ku hejmara miriyan zêde bibe.

Ji bo şewata li qada çiyayî ya 200 km’yî dûrî rojhilatê başûr ê paytext Lizbonê pêk hatî vemirînin 500 xebatkarên agirkujiyê hatin şandin. Ji ber germahî 40 pîle ye û ji ber bayê heyî xebatên vemirina şewatê bi dijwarî têne kirin.

Rayedar dibêjin malên li herêmê nema dikarin werin bikaranîn. Ên ku malên wan şewitîn û ji herêmê hatine xilaskirin li navendên demdemî hatin bicihkirin.

Serokwezîrê Portekîzê Antonîo Costa ji ber mirina gelek kesan diyar kir ku kareseta herî mezin a van salên dawî ye.