Li Madagaskarê ji ber lêhiyê 21 kes mirin, 20 kes jî winda ne
Li bakur rojhilatê Madagaskarê ji ber lêhiyê 21 kes mirin, 20 kes jî winda bûn û lêhiyê bandora xwe li 90 hezar kesî kir.
Li gorî daxuyaniya Buroya Rêveberiya Rîsk û Felaketên Netewî herêmên Mîtsînjo û Maevatanana ji lêhiyê bandor bûne.
Li herêma Boeny çemê Lopy yê Mîtsînjo tijî bû 24 kes li ber xwe bir ji vana 4 kes mirin û 18 kes jî winda ne.
Li heman heremê li herêma Tsaramandroso 4 kes mirin. Li herêma Maevatanana ya li herêma Betsîboka jî 9 kes mirin.
Li Madagaskarê her sal baranên zêde dibare. Çileya 2019’an li paytext Antananarîvoyê ji ber lêiyê malek hilweşabû û 9 kes mirîbûn.
