Barana zêde ku roja Pêncşemê destpê kir, roja Duşemê kêm kir. Lê belê li bajarên li rojhilatê giravê (Holgûîn, Camaguey, Granma, Santîago de Cûba û Las Tûnas) û li bajarê Sanctî Spîrîtûs ê li navenda welêt, operasyonên rizgarkirinê dewam dikin.

Parastina Sivîl ragihand ku ji ber felaketê 3 kes mirine, bi hezaran kes jî hatine veguhastin.

Li bajarê Granmayê 7 hezar û 500 kes ji malên xwe hatin veguhastin. Li Las Tûnasê jî zeviyên ji 700 hektarî zerar dît.

Serokdewletê Kubayê Mîgûel Dîaz-Canel got, "Em ê baş bibin, kes wê neyê jibîrkirin."

Baranê zerar li pir, rê û sîstema kanalîzasyonê kir. Seferên trenê yên ji Hawanayê diçin herêmên rojhilat hatin betalkirin.