Sîsmologan diyar kirin ku di nava 24 saetên dawî de herî kêm erdhejeke volkanîk qewimî ye û tehtên ji êgir li dorhêla kîlometreyekê ya volkan belav bûne.

Li gorî Enstîtuya Sîsmolojî û Volkanolojî ya Fîlîpînan, ev teht ji qubeya lav tên ku bi tehda magma parçe dibin.

Ofîsa Parastina Sivîl a Neteweyî diyar kir ku piraniya wan ji quntarê volkan û gundên çandiniyê yên li nêzî volkan nêzî 13 hezar kes ji herêmê hatine veguhastin.

Wezîrê Tenduristiyê Teodoro Herbosa ji rojnamevanan re axivî û got, "Mayina li nêzî volkan niha metirsî ye, ji ber ku sulfur dîoksît û xwelî jê belav dibe."

Mayon bi 330 kîlometreyî li başûr rojhilatê paytext Manîla ye, li ser 'Xeleka ji Agir' a Pasîfîkê ye, yek ji 24 volkanên aktîf ên vî welatî ye. Mayon beriya pênc salan jî bi milyonan ton xwelî, teht û lav fûriya bû û bûbû sedem ku bi deh hezaran mirov ji herêmê bêne veguhastin.

Teqîna herî xurt a volkanîk a li nava deh salên dawî di sala 1991'ê de li Pînatûbo pêk hatibû, zêdeyî 800 kes miribûn û ewrekî ji xwelî li qadeke ji hezaran kîlometreyî belav kiribû.