Qeza li nêzî balafirgeha Savannah a li eyaleta Georgiayê rû da. Di qezayê de 5 personelên li balafirgeha kargo ya leşkerî ya bi tîpa C-130 Hercules jiyana xwe ji dest dan.

Hate ragihandin ku ev balafira Mûxafizên Neteweyî yên Porto Rîco di dema perwerdeyê de ketiye xwarê.

Balkêş e mehên dawî gelek balafirên Hêzên Hewayî yên DYA dikevin xwarê. Destpêka meha Nîsanê di nava du rojan de 3 balafrên leşkerî ketin xwarê û 4 kes miribûn.

Tê gotin, ji ber ku budçeya hêzên hewayî hatiye kêmkirin, seferên balafiran ên ji bo perwerdeyê kêm bûne, lewma qezayên balafiran salên dawî zêde bûne.