Li bajarê Mocoa yê li başûrê welêt, ji ber lehiyê gelek xanî di nava heriyê de man.

Serokdewletê Kolombiyayê Jûan Manûel Santos, bîlançoya dawî ya vê karesatê eşkere kir û got, hejmara miriyan gihîştiye 293 kesî. Santos ragihand, 332 kes jî ji ber lehî û heriyê birîndar bûne, zêdeyî 2 hezar û 700 kes jî bê cih û war bûne.

Her wiha, ji ber zêdebûna hejmara mirovên winda, tirs û fikar hene ku hejmara miriyan zêde bibe. Rayedaran gotin, hê jî zêdeyî 300 kes winda ne.

Lehî û karesata vê dawiyê ji ber rabûna çemê Mocoayê rû da. Tê zanîn, hilweşandina daristana li herêmê, ku beriya niha bi salan hat kirin, pêwendiya xwe bi rabûna çem heye.