Li Şîlî doh ji bo amadekirina destûra bingehîn a nû referandûm hebû. Ji beşdaran ji sedî 78'an dengê xwe ji bo amadekirina destûra bingehîn a nû dan. Destûra bingehîn a nû wê ji aliyê meclîseke taybet bê amadekirin.
Şîlî ku welatekî ji Başûrê Emerîkayê ye, bi destûreke bingehîn a ji dema dîktator Pînochet maye tê birêvebirin.
Par piştî ku gel rabû ser piyan, ji bo guhertina destûra bingehîn biryara referandûmê hate dayin.
Referandûm jî doh pêk hat.
Ji sedî 78 ê dengdêran dengê xwe ji bo amadekirina destûra bingehîn a nû dan.
Destûra bingehîn a nû ya Şîlî wê ji aliyê meclîseke ku bi taybetî bê hilbijartin ve bê nivîsandin.
