Hikumeta Donald Trûmp ku pêkanînên li ser Îranê zêde kir, vê carê bi taybetî berê xwe da firotina petrolê ya di ser Sûriye û Venezûelayê re.

DYE, piştî ku di Gulana 2018'an de bi rengekî yekalî xwe ji peymana nukleerê vekişand di asta herî bilind de polîtîkaya zextê xiste dewrê û li pêkanînan vegeriya. Di nava pêkanînan de ambargoya li dijî petrola Îranê jî hebû.

Wezareta Xezîneyê ya DYE'yê roja Duşemê Şîrketa Petrolê ya Neteweyî ya Îranê, Wezareta Petrolê û şîrketa barhilgiriya petrolê ya rêyên deryayî xiste lîsteya reş.

Wezaretê vê carê jî têkiliya bi Hêzên Qûdsê ya Muxafizên Şoreşê weke hincet nîşan da. Washîngton artêşa îdeolojîk a rejîma Îranê Muxafizên Şoreşê weke 'rêxistina terorîst' dibîne.

Wezîrê Xezîneyê Steven Mnûchîn bi daxuyaniyekê got, "Rejîma Îranê piştgiriya xwe ya ji bo rêxistinên terorê dewam dike û bernameya nukleerê jî datîne pêşiya berjewendiyên gelê Îranê."

Wezîrê Karên Derve yê DYE'yê Mîke Pompeo û diyar kir ku ev yek ji bo 'Yên petrola xav a Îranê dikirin' hişyariyeke.

Li gorî Wezîrê Petrolê yê Îranê Bîjan Zanganeh, ev tedbîrên cezakirinê nîşan dide ku polîtîkaya Washîngtonê ya ji bo tunekirina firotina petrolê ya Îranê, bi ser neketiye.