Bi hezaran kes roja Çarşemê li hev civiyan û Sarkisyan ê ku bûye serokwezîr şermezar kir. Xwepêşandêran rêyên sereke yên paytext Erîvanê girtin. Polîsan dest li xwepêşandêran werdan û bi dehan kes destgîr kirin. Gelek kes li dora rezîdansa Sarkisyan li hev civiyan û ber bi meydana mezin a li navenda bajêr ve meşiyan.

Roja Sêşemê bi deh hezaran kes li Erîvanê li hev civiyabûn û hewl dabûn ku pêşî li hilbijartina Sarkisyan bigirin. Çalakî bi banga lîderê mûxalefetê û parlamenter Nikol Paşiniyan hatibû kirin. Çalakiyên roja Sêşemê çalakiyên herî mezin ên salê dawî bû ku li Ermenîstanê pêk hat.

Paşiniyan roja Sêşemê weke "destpêka şoreşa şîfon a aştiyane" îlan kiribû û bang kiribû ku karê hemû saziyên dewletê bêne astengkirin.