TUAD’ê  ji bo berdana girtiyên nexweş 100 hezar îmze kom kirin. Serokê TUAD'ê Recep Belek diyar kir ku wê îmzeyan radestî Wezareta Edaletê, Serokomartiyê û Serokatiya Meclîsê bikin û pêwîst e bêyî tu hesab û bazaran girtiyên nexweş bên berdan.

Komeleya piştevaniyê ya bi Malbatên Girtiyan  re (TUAD), ji bo berdana girtiyên nexweş berî niha bi mehekê kampanyaya îmzeyan dabû destpêkirin û di vê çarçoveyê de nêzî 100 hezar îmze kom kir. Îmzeyên hatine komkirin wê radestî Wezareta Edaletê, Serokkomartiyê û Serokatiya Meclîsê re bên kirin. Serokê TUAD'ê Recep Belek diyar kir ku di girtîgehan de 562 girtiyên nexweş hene û ji wan rewşa 162 girtiyan giran e. Belek, her wiha anî ziman ku nêzî 60 girtiyên nexweş jî li ber mirinê ne û haya Serokkomar, Serokwezîr û Wezîrê Edaletê ji vê mijarê heye.

'EM BÊDENG NAMÎNIN'

Belek da xuyakirin ku ew bêdeng namînin û wiha got, "Berî niha bi du mehan ji bo berdana girtiyên nexweş me kampanyaya îmzeyan da destpêkirin. 100 hezar îmzeyên ku me kom kirine em ê di 2'ê Kanûnê de radestî cihên pêwendîdar bikin."