Lîderê efsanewî yê Efrîqa Başûr ku demek dirêj dihate dermankirin di temenê 95 salî de jiyana xwe ji dest da. Serok Komarê Efrîqa Başûr Jacob Zuma daxuyaniyek da û ragihand ku Nelson Mandela jiyana xwe ji dest da.

Mandelayê 95 salî demek dirêj bû bi enfeksiyona pişikê re têkoşîn dida. Mandela nêzî mehekê beriya niha ji nexweşxaneyê hatibû derxistin û dermankirina wî li malê didomiya.

Mandela li dijî rejima nijadperest ya Apartheid têkoşîn da meşandin û lîdertiya wê têkoşînê kir. Mandela piştî 27 salan li girtîgehê ma hate berdan, bû serok dewlet û piştî pênc salan peywira xwe pêkanî dest ji peywira xwe berda bû.

Nelson Mandelayê xwediyê Xelata Aştiyê ya Nobelê yek ji mirovên dewletê yên herî zêde rêz jêre dihat girtinbû.