Operasyonên hêzên ewlekariyên ên Rûsyayê ên li ser penaberên qeçax didome. Li paytext Moskowayê di serdegirtina kargehekê de 2 hezar û 500 penaber hatin binçavkirin.

Li gorî çapemeniya Rûsyayê li navçeya Îvanteyevka ya Moskowayê, 2 hezar û 500 hemwelatiyên welatên biyanî ên li kargehek ya dirûnê de hatine binçavkirin.

Di kargeha ku hate gotin hilberîneke der-zagonî têde tê kirin û derket holê ku karkerên penaber di şert û mercên ne hîjyenîk de di kargehek ya dirûnê de têne xebitandin.

Di kargeha dirûna cilan de, sexteyê markeyên binav û deng tê çêkirin û ji tenduristiyê re bizererin 70 ton cilên hatine çêkirin desteser kirin.

Li Moskowayê di meha Cotmeha borî de jî operasyonek li ser kargehek din ya dirûnê ya “dervey zagonî” hatibû kirin û zêdetirî 100 penaberên Vîetnamî û zêdetirî 40 penaberên Tacikîstanê û Ozbekîstanê ji ber “qeçax” didin karkirin hatibûn girtin.

Serwîsa Penaberan ya Federal ya Rûsyayê (FMS) di nîva meha Mijdarê de daxuyaniyek dabû û dabû diyarkirin ku, li welat 7 milyon karkerên penaber hene û ji vana 3 milyon qeçaxin.

Rûsya piştî Amerîkayê di cîhanê de welatê duwemîne ku karkerên penaber lê dimînin.