Li paytexta Misrê Qahîreyê di mudaxeleya artêşê ya li hemberî alîgirên Muhammed Mûrsî de, li gorî agahiyên Wezareta Tenduristiyê 95 kes, li gorî Birayên Misliman jî 2 hezar û 200 kes hatine kuştin. Serokkomariya Misrê li welat ji bo mehekê rewşa awerte îlan kir. Wezareta Karên Navxweyî  jî derketina kolanan qedexe kir. 

Bi hezaran kesên darbeya leşkerî û têkbirina Mûrsî şermezar dikin, ev 6 hefte ne li derdora  Mizgefta Rabîa El Adawiye û Qada Nahda di çalakiyê de bûn. Lê hêzên leşkerî û polîsan di saetên serê sibehê de mudaxeleyî girseya gel kir.

Li gorî Wezareta Tenduristiyê ya Misrê di mudaxeleyan de 95 kes hatine kuştin û 874 kes jî birîndar bûne. Lê li gorî rêxistina Birayên Misliman 2 hezar û 200 kes hatine kuştin.

Li aliyê din Serokkomariya Misrê daxuyaniyek da û diyar kir li welat ji bo mehekê rewşa awerte hatiye îlankirin. Wezareta Karên Navxweyî  jî ji saet 17.00’an ve derketina kolanan qedexe kir.