Rêxistina Efûyê ya Navnetewî beriya 20’emîn salvegera serxwebûna Erîtreyê raporek weşand û diyar kir kul i vî welatî herî kêm 10 hezar girtiyên siyasî hene û gelek di bin şert û mercên dijwar de dijîn.

Rêxistina Efûyê di rapora xwe de da zanîn ku  li vî welatî biçûk 10 hezar girtiyên siyasî hene. Pisproê Erître yê rêxistinê Claîre Beston wiha got: “Hikûmet ji bo ku muxalîfan bipelçîqîne, dengê wan bi çewisîne û serî bi wan bide tewandin her kesî ceza dike û bi awayekî keyfî tevdigere.”

DIKIN HUCREYÊN BINERDÊ

Li gorî raporê hejmara girtiyan a zelal nayê zanîn û hate gotin ku ev girtî di hucreyên bin erdê an jî konteyniran de tên girtin. Claîre Beston destnîşan kir ku îşkence di dema lêpirsînê de bê navber tê kirin û got: “Di gelek bûyeran de agahiyan nadin malbatan. Piştî girtinan jî der barê mijarê de agahî danin. Kî serokwezîr Îssaîsas Afeworkî rexne bike tê girtin û rastî îşkenceyê tê.

SERXWEBÛN ÎLAN KIR, BÛ DÎKTATOR

Bi pêşengiya Issaias Afeworki serhildêran 30 salî şer meşandin û piştî 30 salî di 1991’ê de li hemberî Etîyopyayê serxwebûn qezenc kir. Du sal şûnde  referandum kir û di 24’ê Gulana 1993’an de serxwebûna Erître îlan kir. Li hemberî rêveberiya Erître hêviyên mezin yên demokratîkbûnê hebûn û  qada navnetewî jî piştgirî dayê. Lê rejîma Afewordî piştre bû dîktator.