Bi merasîmekê Navenda Çand û Huner a Şengalê bi tevlîbûna endam, nûnerên sazî û dezgehên Şengalê û girseyeke gel hate vekirin.

Navenda Çand û Huner a Şengal bi deqeyek rêzgirtin û piştre merasîmekê hate vekirin.

Di merasîmê de endamê Rêveberiya Çand û Hunerê Hesen Emo axivî. Emo diyar kir ku saziyeke wiha pêwîstiyek bû ji bo civaka Êzidî ku bikare çand û hunera wê ya resen bi wê bide hînkirin û domandin. Emo anî ziman ku li ser vegera  gel a li Şengalê û daxwazên gel wan pêwîst dît ku navenda xwe mezin bikin û karê xwe lê bidin domandin.

Piştî axaftinan Koma Çiyayê Şengal derket ser dikê û hunera xwe pêşkêş kir.