Fîlmê  Ji bo Azadiyê ku berxwedana dîrokî ya Sûrê vedibêje, li paytexta Elmanyayê Berlînê cara pêşî hate nîşandan.

Fîlm li sînameya Babylonê hate nîşandan, hunermendên sînameya Kurd, rewşenbîr û siyasetmedarên Kurd jî di nav de gelek kesî li fîlm temaşe kir.

Fîlm piştî rêzgirtina li fermandarê berxwedana Sûrê Çiyager û hemû şehîddan hate nîşandan.

'HUNERMEND Û REŞWENBÎR DIVÊ WÊREK BIN'

Piştî nîşandana fîlm Derhêner Ersîn Çelîk axivî: Çelîk bal kişande ser êrîşên qirker û dagirker ên li ser çar parçeyên Kurdistanê û got, ''Di rewşeke wiha ku rastiya Kurdistanê ev e, divê hunermend, rewşenbîrên Kurd jî mîna şervanan wêrek bin. Di rewşeke wiha de dea ku şerê Efrînê û Reqayê dom dikir, me jî xwest ku em wêrekiya şervanên Sûrê nîşan bidin. Ji ber ku bi şer, dagirkerî û berxwedanê ev welat welatê me ye û huner li gel her tiştî divê bidome.''

Ji bo Azadiyê îro jî wê li Elmanya Kolnê were nîşandan.