Ji bo welatparêzê Kurd Xalef Tak ê di 18’ê Hezîranê de ji bo betlaneyê bi malbata xwe re çûbû Bulgaristanê bi mebesta Tirkiye bi rêya Interpol lê digere hatibû binçavkirin bê berdan komeleyên Kurd, Asûrî û Tirk ên li Srokholmê nameyek ji hikûmeta Bulgaristanê re şandin.

Di nameyê de hat bibîrxistin ku Xalef Tak hemwelatiyê Swêd e û beriya niha bi 23 salan beriya ku bê Swêd serî li penabertiyê bide, dewleta Tirk hebûn, ziman û nasnameya Kurdan înkar dikir û di pêvajoyeke ku êşkence û qetlîamên xwe pêş dixist de wek terorîst hatibû sûcdarkirin.

Nameya ku îmzeyên Komeleya Piştevanî û Çandê ya Tirkiyeyiyên Swêd, Komeleya Çandê ya Kurd a Stockholm, Komeleya Asûrî-Suryanî-Keldanî, Komeleya Huner û Çandê ya Tirkiyeyiyên Swêd û Komeleya Çandê ya Kurd a Fittja hene li ser navê çalakvanan heyetekê da rayedarên Sefaretxaneya Bulgaristanê û gotin ku ji bo bersivê wê 10 rojên din careke din bên sefaretxaneyê.

Dadgeha Bulgaristanê di rûniştana 20’ê Hezîranê de biryar dabû ku Tak 30 rojî girtî bimîne.