Yekitiya Ragihandina Azad (YRA) têkildarî destgîrkirina rojnamegeran li bajarê Amedê yê daxuyaniyek da.

YRA’yê di daxuyaniya xwe de got, “Îro li Tirkiyeyê careke din mafê rojnamegeran hate binpêkirin û gelek rojnameger hatine destgîrkirin

Em Yekîtiya Ragîhandina Azad (YRA) ya li Bakur û Rojhilatê Sûriyeyê van kirinên dewleta Tirk ên li dijî qanûnên navdewletî şermezar dikirin û diyar dikin em piştgiriyê didin rojnamegerên hatine destgîrkirin.”

YRA’yê xwest ku hemû rojnameger di zûtirîn demê de werin berdan û divê Tirkiye dev ji zext û êrişên li ser saziyên rojnamegerî û medyayê berde.

Li Amedê polîsên Tirk serê vê sibehê bi ser malên gelek rojnamegeran de girtibû. Di serdegirtina malan de polîsan hevserokê Komeleya Rojnamevanan a Dîcle Firatê (DFG) Serdar Altan, midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Sûat Dogûhan, Ramazan Gecîken, Berîvan Karatoprak, Neşe Toprak, Îbrahîm Koyûncû, Esmer Tûnç, Mehmet Şahîn, Zeynel Abîdîn Bûlût, Mazlûm Dogan Guler, Elîf Ungur, Remziye Temel û Mehmet Yalçin destgîr kiribû.