HESEKÊ

Bi sedan şêniyên Hesekê, endamên saziyên sivîl, nûnerên meclisên sivîl, leşkerî li pêşiya morga li Hesekê kom bûn û cenazeyên şervanê Yekîneyên Parastina Gel (YPG) Kaya Amed (Mihemed Mano) û Leheng Qendîl (Beşar Mihemed) ên li kantona Tebqayê şehîd bûne, wergirtin û ber bi Goristana Şehîd Dijwar ve ketin rê. Li goristanê endamê Meclisa Malbatên Şehîdan Beşar Koş axivî û sersaxî da malbatên şehîdan. Ji fermandarên Hêzên Sûriya Demokratîk (QSD) Agirî Hesekê jî axivî û di kesayeta her du şehîdan de tevahî şehîdên azadiyê bi bîr anîn û got: "Bi şopandina fikr û felsefeya Rêber Abdullah Ocalan û rêya şehîdan, dê tevahî komployên dagirkeriyê têk biçin." Piştre endama Meclisa Malbatên Şehîdan Hêvîn Silo wesîqeyên şehadetê yên her du şehîdan xwendin û radestî malbatên wan kirin. Her du şehîd bi dirûşmên “Şehîd namirin” hatin veşartin.

DIRBÊSIYÊ

Şêniyên navçeya Dirbêsiyê, endamên sazî, meclîs, tevgerên ciwanan, endamên Hêzên Ewlekariya Hundirîn li Goristana Şehîd Rustem Cûdî a li gundê Berkevirê yê navçeyê kom bûn û şervana Yekîneyên Parastina Jin (YPJ) Çiya Jîn Dirbêsiyê (Ronya Mihemed Elî) ku 12`ê Sibatê li Minbicê şehîd bûbû, oxir kir. Di merasîmê de endama Rêveberiya Meclisa Malbatên Şehîdan Zozan Gul axivî û tevahî şehîd bi bîr anîn û berxwedana wan a ji bo ewlehî û aştiyê silav kir. Ji fermandarên Hêzên Parastina Civakî ya kantona Cizîrê (HPC) Hemîd Meîş jî got: "Dewleta Tirk a dagirker êrişên xwe li dijî herêmên Bakur û Rojhilatê Sûriyeyê zêde kirin, lê belê bi saya berxwedana gelên herêmê ev berxwedan têk çûn."

Bavê şehîd Çiya Jîn Dirbêsiyê Mihemed Elî jî soz da ku rêya şehîdan li ser şopa keça xwe berdewam bike. Piştre wesîqeya şehadeta şehîd Çiya Jîn Dirbêsiyê hate xwendin û radestî malbatê hate kirin. Di dawiyê de girseyê cenazeyê şehîd di nav tilîliyên dayikan de veşartin.

REQA

Şêniyên kantona Reqayê, endamên meclisên sivîl û leşkerî, Partiya Sûriya Pêşerojê, Partiya Yekitiya Demokratîk (PYD) li goristana gundê Hikumiye kom bûn û şervanê Hêzên Sûriya Demokratîk (QSD) Ehmed Ebdullah El Ebbas oxir kir. Şehîd Ebdullah 15`ê Sibatê li navçeya Eyn Îsayê şehîd bûbû. Di merasîmê de ji fermandarên Meclisa Leşkerî ya Girê spî Riyad El Xelef axivî û got: "Em ê li ber xwe bidin ta ku tevahî herêmên dagirkirî rizgar bikin." Hevseroka Meclisa Malbatên Şehîdan a kantona Reqayê Fatme El Nasan axivî û sersaxî da malbata şehîd û got: "Şehîd Ehmed di oxira parastina welatê xwe de û ji bo ku ewlehî pêk were, canê xwe feda kir." Di dawiyê de wesîqeya şehadeta şehîd hate xwendin û radestî malbatê hate kirin. Piştre cenazeyê şehîd li gel sloganên "Bi can bi xwîn em bi te re ne ey şehîd" hate veşartin.

DÊRIK

Bi sedan welatî beşdarî merasîma cenazeya şervana YPJ’ê Zîn Cînda (Behiye Ebid El Mecîd) a ku li Tebqayê peywira xwe bi cih dianî, li navçeya Dêrikê ya Kantona Cizîrê di encama qezayekê de şehîd bû, bûn. Hevserokê Şaredariya Gel a Dêrikê Ciwan Elî di şexsê şehîd Zîn de hemû şehîdên şoreşê bi rêzdarî bi bîr anî. Di merasîmê de endamê Kongreya Îslama Demokratîk Mahsûm Dêrşûy axivî û diyar kir ku şehîdan ji bo ewlekariya welat bedelên mezin dane û ew ê li ser şopa wan bimeşin. Endama Erka Xweparastinê Zeyneb Xelîl banga mezinkirina têkoşînê kir. Piştre wesîqeya şehadetê ya şehîd hate xwendin û radestî malbatê hate kirin û cenazeyê şehîd Zîn bi dirûşmeyên “Şehîd namirin”hate veşartin.

AMÛDÊ

Di merasîma cenazeya şervana YPJ’ê Bêrîtan Navdar (Ronahî Rodî Îbrahîm) a ku di encama qezayê de şehîd bibû, li navçeya Amûdê ya Kantona Cizîrê di nav de saziyên sivîl, Kongra Star, perwerde û perwerde, endamên Hêzên Ewlekariya Hundirîn û şervanên YPJ’ê jî di nav de bi sedan kes amade bûn.

Girseya gel cenazeyê şehîd li ber avahiya Meclîsa Malbatên Şehîdan a navçeyê hildan û bi dirûşmeyên “Şehîd Namirin” û “Bi can bi xwîn em bi te re ne ey şehîd” ber bi Şehîdgeha Şehîd Îsmaîl ve meşiyan. 

Di merasîmê de Hevserokê Meclîsa Malbatên Şehîdan Cewhir Osman axivî û sersaxî ji malbata şehîd re xwest û banga bilindkirina têkoşîna li dijî sûcên dewleta Tirk a dagirker kir. Endamê Meclîsa Leşkerî ya Amûdê Berxwedan Çîya jî got, “heta ku em xeyalên serkeftin û azadiyê yên şehîdan pêk bînin, em ê şopdarê wan bin."

Piştre wesîqeya şehadetê ya şehîd hate xwendin û radestî malbatê hate kirin. Apê şehîd Ekrem Îbrahîm jî diyar kir ku ew bi şehadeta Bêrîtan serbilind in. Cenazeya şehîd Bêrîtan Navdar li Şehîdgeha Şehîd Îsmaîl bidirûşmeyan hate veşartin.