Navenda Ragihandinê ya Hêzên Ewlekariya Hundirîn a Bakur û Rojhilatê Sûriyê têkildarî operasyona xwe daxuyaniyek li ser malpera xwe belav kir.

Daxuyanî wiha ye:

“Oparesyoneke hevbeş bi Hêzên Sûriyeya Demoqratîk (QSD) re li dijî şaneyên DAÎŞ'ê li Tebqayê 17'ê Cotmehê li dar ket.

Endamên me û QSD'ê operasyoneke taybet li herêma Tebqayê li dar xist û di encamê de 17 çeteyên şaneyên DAÎŞ'ê girtin.

Piştî şopandin û lêkolînan, li gundên Xatûniyê û Mensûra, 17 kesên ku dest bi kiryarên DAÎŞ'ê kiribûn, hatin girtin û di destê wan de çek, cebilxane, pasport û pirtûkên DAÎŞ'ê hatin dîtin.

Dema lêpirsîna bi wan re li xwe mikur hatin ku wan karên xirab kirine da ku ewlehî û aramiyê li herêmên me xera bikin, piştî lêpirsînê hêzên me wan ji Desteya Dozgeriya Giştî re veguhastin.”