Hate ragihandin ku li xaçerêya Kawayê Hesînkar a li Efrînê çeteyên dewleta Tirk bihev ketin, di şer de kuştî û birîndarê çeteyan  hene. Li aliyê din li bajar êrîşeke bi wesayîta bombebarkirî pêk  hat.

Çavkaniyên li herêmê ragihandin ku îro piştî nîvro li xacerêya Kawayê Hesînkar a li Efrînê di navbera çeteyên Sultan Mihemed El-Fatih û tabûra 9’an a çeteyan yên dewleta Tirk de şer derket. Hate ragihandin di şer kuştî û birîndarên çeteyan hene.

Heman çavkaniyê diyar kir ku li bajar wesayîteke bombebarkirî teqiya û ji ber teqînê 4 kes birîndar bûn.

Nehate zanîn ku êrîş ji aliyê kê ve hatiye pêkanîn.