Hêzên Rizgariya Efrînê (HRE) bi daxuyaniyekê nasnameya şervanên xwe Mazlûm Nêrebiyê û Şervan Dîgor ên li navçeya Şera ya Efrînê şehîd bûbûn, eşkere kir.

HRE li ser mijarê ev agahî parve kir:

“Li roja 26’ê Gulanê li gundê Merenazê ya girêdayî navçeya Şera, di encama êrîşên dijmin de du hevrêyên me gihiştin asta şehadetê.

Hevrêyên me Şervan û Mazlûm,  ji roja ku tevlî refên me bûn heta kêliya dawî, li hemberî dagirkeran bi ruhek fedayî têkoşîn kirin û bi fedakariyek mezin erk û berpirsiyarên xwe bi cih anîn. Ti car dagirkeriyê û zext û zordariyên ku li ser gelê me tê meşandin qebul nekirin û li hemberê vê yekê di çepera pêş de tekoşîn dan meşandin. Em wek Hêzên Rizgariya Efrînê (HRE) destnîşan dikin ku em ê tola şehîdên xwe rakin û hesabê ji dagirkeran bipirsin.

Em di şexsê hevrêyên xwe Şervan û Mazlum de tevahî şehîdên xwe bi rêzdarî bibîr tînin, ji malbatên şehîdên xwe û ji gelê xwe re sersaxiyê dixwazin.

Nasnameyên hevrêyên me yên şehîd wiha ne;

Nasnav: Mazlûm Nêrebiyê

Nav û Paşnav: Xalid Elwawa

Navê Dayikê: Ayde

Navê Bav: Yasir

Cih û Dîroka Şehadetê: Gundê Merenazê - Şera / 26 Gulan 2021

***

Nasnav: Şervan Dîgor

Nav û Paşnav: Yusif Bekîr

Navê Dayikê: Lîna

Navê Bav: Mihemed

Cih û Dîroka Şehadetê: Gundê Merenazê - Şera / 26 Gulan 2021