Tevgera Ciwanên Şoreşger ên Sûriyeyê li Kobanê ji bo şermezarkirina tecrîda li ser Rêberê Gelê Kurd Abdullah Ocalan xwepêşandanek li dar xist.

Xwepêşandan li qada şehîd Egîd bi beşdariya bi sedan şênî û bi dirûşma "Ber bi serkeftina cenga azadiyê û rizgarkirina Rêber Apo ve" dest pê kir.

Hevseroka Desteya Ciwanan û Werzîşê ya Herêma Firatê Avaşîn Misto bal kişand bi ser girîngiya bilindkirina asta têkoşînê ji bo azadiya fîzîkî ya Rêberê Gelê Kurd Abdullah Ocalan û got: “Pêkanîna azadiya Rêber Apoya fîzîkî erka ciwanan e.”

Avaşîn Misto bêdengiya CPT'ê ya li hember kiryarên dermirovî yên dewleta Tirk a dagirker ên li dijî Rêberê Gelê Kurd Abdullah Ocalan şermezar kir û banga xwedîderketina li erka xwe kir.