Walîtiya Colemêrgê û Qeyûm ji bo Çiyayê Cîlo û Gola Qeşayê ku ji ber gefa germbûna gerdûnî di xetereyê de ye tevî hişyariya pisporan jî cara 7’emîne dest bi amadekariya festîvala bi navê ‘Cîlo Fest’ hate kirin.
Festîvala ku tê plankirin di 28-29’ê Hezîranê de were lidar xistin, dê li herêmek ku 365 rojên salê qedexe ye û wekî "herêma ewlehiya taybet" hatiye ragihandin, pêk were. Ev qedexe tenê ji bo du rojên festîvalê tê rakirin. Festîval ji hêla Walîtiya Colemêrgê, Qeymeqamê Geverê û Wezareta Ciwan û Sporê ve tê organîzekirin.
Lê belê, tevî hişyariyên pispor û xelkê herêmê jî, amadekariyên festîvalê ji niha ve bûye sedema wêrankirina xwezayê. Gelek tuwaletên veguhêzbar û konteynerên çopê li herêmê hatine danîn û xebatên firehkirina rêyan ku xwezayê xira dike destpêkirin.
Xelkê herêmê nerazîbûn nîşanî çalakiya ku li deverên cemedî yên di bin gefa germbûna gerdûnî de tê lidarxistin da û xwest cihê festîvalê ji bo herêmeke din bê veguheztin.
Li gel vê yekê, Midûrê Ciwan û Sporê yê Colemêrgê, ragihand ku dê ji navend û navçeyan veguhestin bêpere be û ji bo vê yekê divê "Forma Qeydkirina Veguhestina Bêpere" were dagirtin.
Ji ber festîval bi aramancên siyasî û geştiyariyê tê lidar xistin û ev yek zirarê dide xwezayıê nerazîbûn mezin dibe. Pispor, hişyar dikin ku ekosîstemên hesas ên mîna Cîlo, dibe ku bi awayekî mayînde zirarê bibînin.
