Cenazeyê şervanê Hêzên Sûriyaya Demokratîk (QSD) Rojhat Dêrik (Silêman Silêman) yê di 22’ê Nîsanê de şehîd bibû, li Goristana Şehîd Xebat Dêrik hat veşartin. Bi sedan şêniyên Dêrik û navçeyên Girkê Legê, Çilaxa û Til Koçerê tevlî merasîma veşartinê bûn.

Girseya gel cenazeye şervanê QSD’ê Rojhat Dêrik ji Nexweşxaneya Wetenî ya Dêrikê wergirtin û ber bi Goristana Şehîd Xebat Dêrik ve bi rê ketin. Li goristanê, şervanê QSDˊê Xalid Mihemed axivî û got, şehîd Rojhat Dêrik soz da şehîdan ku ew ê li ser rêça wan bimeşe û heta asta şehadetê li ber xwe da.

Piştre wesîqeya şehîd ji aliyê Meclîsa Malbatên Şehîdan ve hat xwendin û radstî malbatê hat kirin.